Friday, February 9, 2007

Valentines si Medz, Pasko Ako


Nakakatawa, parang ako din si Medz('pag Valentine's day) nung bata pa ako tuwing sasapit ang pasko. Alam ko kase magbibigay na naman ng regalo si Santa Claus.

Alam ko naman na walang Santa Claus. Alam ko naman na Nanay ko lang ang naglalagay ng regalo dun sa medyas(actually plastik na supot nga 'yun eh) na isinasabit ko sa labas ng bintana namen taon-taon tuwing sasapit ang pasko. Pero kahit ganun, nagwi-wish pa rin ako ke Santa Claus ng gusto kong regalo. Ngako-compose pa rin ako ng, "To North Pole. Dearest Santa, ..." na sulat. Asa pa rin ako. Sayang eh!

Eh minsan isang pasko, kasi nga alam na ng Nanay ko na hindi na ako naniniwala ke Santa. At alam nya na rin na alam ko na, na sya lang 'yung naglalagay ng regalo sa medyas(o supot na platik) na isinasabit ko sa labas ng bintana namen tuwing pasko at hindi si Santa Claus. Aba! hindi ba naman nilagyan ng regalo 'yung medyas ko. Ang ending... umagang-umaga nasa palengke kame ng Nanay ko. Reason? Ibinibili ako ng laruan na dapat sana eh... inilagay nya dun sa medyas ko.

Inis na inis ang Nanay ko. Akala raw nya kasi eh hindi na ako naniniwala ke Santa Claus, kaya hindi na nya nilagyan ng regalo 'yung medyas ko. "Hindi na nga po!", sabi ko. "Maski buking ko na kayong dalawa ni Santa Claus dapat... may regalo pa rin ang medyas ko!", sabi ko habang nakatingin saken ng masama ang Nanay ko na tila baga gustong pagkasyahin ako sa medyas ko.

No comments: