Budbod ni Pusa

Since pyesta samen at wala kaming handa... ibig sabihin wala kaming pagkain para sa tanghalian namen.

Ako, si Medz, si Adi kasama ang Nanay ko at si Lorie(kapatid ko) at si Yessha(anak ni Lorie)... lumabas kame ng bahay, tanghali kahapon. Ang aming misyon... maghanap ng lugar na makakainan. Sakay ng tricycle, pumunta kame sa 'budboran' ni pusa, sa kanto ng Morga at 'nung kalsada sa may Video City.

Nakakain na kame nina Medz at Adi dito. Nagutom kasi kami nung isang gabing tumutingin-tingin kame ng mga tinda-tinda sa pali-paligid ng munisipyo. Eh nakita namen na medyo parang maraming tao dun sa likod ng kainan ni 'Dho'. So, silip naman kame. 'Yun nga, 'yun pala 'yung pinagkakaguluhan dun. Waiting ang mga tao para makaupo at makakainin ng 'budbod' ni pusa.

Maliliit lang 'yung lugar. Limang lamesa lang na square na apatan ang naka pwesto sa loob, dikit dikit na 'yon ha. Order kami ni Medz ng 'pork budbod', 'tapsilog' naman ke Adi. Habang naghihintay sa pagdating ng pagkain namen, binigyan muna kami ng naka-shorts na batang waitress ng sabaw ng nilagang baboy. Ayos naman ang sabaw, masarap. Hindi tubig na nilagyan lang ng 'pork bouillon'. Tapos, isinerve na samen 'yung drinks namen. Sago at gulaman saken(sarap... lamig!) 'tropicana' na naman ke Medz, share na lang sila ni Adi. Ayaw namen ni Medz na painumin ng tubig dun si Adi... mahirap na, baka madale pa nang 'amoebiasis o LBM' ang anak ko.

After ilang commercials sa TV at isang election campaign ads ni Manny Villar, dumating din ang pagkain namin. Oks naman ang luto, pati presentasyon. Naka-serve ang 'budbod' sa isang native rattan plate na may nakapatong na dahon ng saging. Kumpleto ang condiments. May toyo, suka, asin, ketsup, kalamansi at chilli paste(sawsawan ng siomai sa Chowking). Ito ang nagpaiba sa 'budbod' ni pusa sa ibang mga 'budboran' sa Taytay... ang kanilang libreng chilli paste. Mabilis namin naubos ang pagkain. Nagbayad agad si Medz kasi nga nakakahiya dun sa mga waiting sa labas kung magtatagal pa kame sa loob. Mura lang ang pagkain ke pusa, kaya sabi namin ni Medz... 'Babalik kami at Kakaini Ka!'.

Mag-aalas tres ng hapon ng dumating kame sa 'budboran' ni pusa. Sa kamalasang palad... sarado ang kainan ni pusa. Pwedeng pyesta at may bisita si pusa kaya sarado ang kainan nya o di kaya eh sa gabi lang talaga nagbubukas ng 'budboran' si pusa. Sa sobrang inis at gutom namen, punta kami dun sa 'budboran' sa baba ng simbahan.

Kahit halos panay sinangag lang ang 'budbod' dito... pinilit na lang namen na kainin. No choice eh. Magugutom kame. Wala kaming handa eh. Kaya sa susunod na pyesta... maghahanda na kame, maski para man lang sa sarili namen.